पाइलट कुटाकुट प्रकरण: रामेछाप विमानस्थलका प्रमुख निलम्बित, पाइलटको लाइसेन्स पनि निलम्बनमा
रामेछाप– नागरिक उड्डयन प्राधिकरणले रामेछाप विमानस्थलका प्रमुखलाई निलम्बन गरेको छ । प्राधिकरणले शुक्रवार विमानस्थल परिसरमा तारा एयरका दुई पाइलटबीच भएको कुटाकुटको छानबिन गर्नका लागि विमानस्थल प्रमुख अशोक थापालाई निलम्बन गरेको हो । नागरिक उड्डयन प्राधिकरणले सूचना जारी गर्दै उल्लेख गरेको छ– ‘रामेछाप विमानस्थल परिसरमा तारा एयरका दुई वरिष्ठ पाइलटबीच आज भएको विवादको विस्तृत अनुसन्धान गर्न […]


रामेछाप– नागरिक उड्डयन प्राधिकरणले रामेछाप विमानस्थलका प्रमुखलाई निलम्बन गरेको छ । प्राधिकरणले शुक्रवार विमानस्थल परिसरमा तारा एयरका दुई पाइलटबीच भएको कुटाकुटको छानबिन गर्नका लागि विमानस्थल प्रमुख अशोक थापालाई निलम्बन गरेको हो ।
नागरिक उड्डयन प्राधिकरणले सूचना जारी गर्दै उल्लेख गरेको छ– ‘रामेछाप विमानस्थल परिसरमा तारा एयरका दुई वरिष्ठ पाइलटबीच आज भएको विवादको विस्तृत अनुसन्धान गर्न रामेछाप विमानस्थल नागरिक उड्डयन कार्यालयका प्रमुखलाई अर्को सूचना नभएसम्मका लागि निलम्बन गरिएको छ ।’
प्राधिकरणले यस अघि विमानस्थलमै झगडा गर्ने पाइलटहरू सन्तोष शाह र सञ्जीव श्रेष्ठको पनि लाइसेन्स निलम्बन गरिसकेको छ । नागरिक उड्डयन प्राधिकरणले सूचना जारी गर्दै उल्लेख गरेको छ– ‘राष्ट्रिय सुरक्षा मापदण्डको उल्लङ्घनको कारण अर्को सूचना नभएसम्म तारा एयरका दुई वरिष्ठ क्याप्टेनको लाइसेन्स निलम्बन गरेको छ । विस्तृत अनुसन्धानले लाइसेन्स खारेज गर्न र नियमबमोजिम अन्य दण्डात्मक कारबाही गर्न सक्नेछ ।’
रामेछाप विमानस्थलमा शुक्रवार बिहान जहाज अवतरण गरेपछि दुई पाइलटबीच कुटाकुट भएको थियो।




